***السبت لي فات 24 ماي .. واحد المنطقة سميتها سويحان فمدينة العين بالإمارات سجلات 51.6 درجة مؤية مع 13:45 .. و هدا رقم قياسي بالنسبة للإمارات كأعلى درجة حرارة مسجلة .. و قبل منو بنهار فنفس لبلاصة كان تسجلات 50.4 درجة مؤية ..
المقلق فهدشي أننا مزال يالاه فشهر ماي
***فالمغرب الرقم القياسي هو 50.4 كان تسجل ف 11 غشت 2023 بأگادير ( و أگادير مدينة ساحلية ) و لي كان حطم الرقم القياسي السابق لي كان 49.9 بالسمارة ف 13 يوليوز 2023
***الرقم القياسي المعتمد عند المنظمة العالمية للأرصاد الجوية هو 56.7 ف 10 يوليوز سنة 1913 بواد الموت فكاليفورنيا
وهاد الرقم فيه نقاش من عند بعض العلماء .. بحيث كيشككو فدقة القياس داك الوقت .
.
و لكن فوقتنا الحالي غادي يتسجل ثاني أكبر رقم قياسي عالمي فدرجة الحرارة فنفس البلاصة أي واد الموت بكاليفورنيا ف 30 يونيو سنة 2013 بحيث كانت وصلات درجة الحرارة 54.0
***الكوكب غادي و كيشعل … و ماشي عادي بالمرة نسجلو فوق 50 ف شهر ماي و لو فدول الخليج لي معروفة بإرتفاع فدرجات الحرارة
